Atmaram

मनुष्यजन्माचे ध्येय फक्त प्रापंचिक सुखोपभोग प्राप्त करणे नसून आत्मज्ञान प्राप्त करणे आहे.या संकल्पसिद्धीसाठी ईश्वराने मनुष्यास उत्तम नरदेह प्रदान केला आहे. प्राचीन गुरूशिष्य परंपरा अनुसरून ज्ञानार्जन केल्यास मोक्षप्राप्ती सुलभ होते. 'मी देह आहे' या जाणीवेचे उल्लंघन करून, 'मी आत्मा आहे' या भावनेत स्थिर झाल्यास जीव जन्ममरणाच्या चक्रातून मुक्त होतो.जीवाची उपाधी जी नाशवंत माया तिचा तत्त्वत: त्याग केल्यास जीव मुक्त होतो. सद्गुरूमुखाने त्याग, माया, ब्रह्म, साधना निरुपण श्रवण झाल्यानंतर साधक-शिष्य सद्गुरुंसमोर मोक्षस्थितीचा स्वानुभव व्यक्त करून कृतकृत्य होतो.